MENUmenu

Matjurtir til að hafa inni

Agúrkur, dvergtómatar, paprikur, tómatplöntur.

Nokkur heilræði

Matjurtir eru ýmist ræktaðar í gróðurhúsum, vermireitum eða matjurtagörðum eftir tegundum. Gróðursetjið á skjólríkum, hlýjum og sólríkum stað í góðri gróðurmold.

 Hæfilegt bil á milli kálplantna er yfirleitt 30-35 sm. Gulrófum og salati má planta þéttar.

Notið akríldúk til að verja kartöflur og annað viðkvæmt grænmeti fyrst á vorin.

Gætið þess að planta ekki út fyrr en ekki er lengur hætta á næturfrosti.

Hækkið matjurtabeðin. Þetta er gert til að bæta frárennsli, auka súrefni í jarðveginum og til þess að beðin hlýni fyrr á daginn. Það er gott að setja steina í kantana til þess að halda forminu á beðinu. Steinarnir hitna yfir daginn sem veitir plöntunum yl inn í nóttina.

Það er mikilvægt að halda jöfnum raka. Hafðu í huga að upphækkuð beð þorna fyrr.

Ef það er búið að planta lengi á sama stað hættir jarðveginum til að súrna (ph 0-6). Berið kalk í jarðveginn til að hækka sýrustigið. Það getur verið gott að skipta um tegundir milli ára.

Til að sporna við illgresi og halda raka í jarðveginum er gott að vera með jarðvegsþekju úr sandi, grasi eða plasti.

 Hafið í huga að mikið af vítamínum og steinefnum í matjurtum glatast við suðu. Best er að gufusjóða blöð og stilka ef það er ekki borðað hrátt.