Lýsing: Klifurjurt. Stór blóm sem eru fölbleik yst og með bleikri rönd eftir miðjunni hverju bikarblaði. Blómin eru allt að 20 sm. í þvermál og með 8 bikarblöð. Blómstrar í júlí – september. Blómlitir fölna í sterkri sól. Flest blómin koma á sprota fyrra árs.
Hæð: 1,5 - 3 m. á hæð og um 1 m. á breidd.
Aðstæður: Þarf sólríkan stað eða hálfskugga. Þrífst best í næringarríkum, léttum og rökum, en vel framræstum jarðvegi. Þarf klifurgrind eða víra. Hentar vel til að klæða veggi og girðingar.Fallegust í góðu skjóli.